أش جابرك على المر
أريد أبجي على صدرك مشتهي النوح
واريد اقعد قبالك واحسب جروح
بيه نار .. وهي مو كل نار نار
وك أبجي ما ينزل دمع يطفر شرار
يا زمن شلك عليّ.. شلك عليّ يا زمن ..
اش بيك دقاتك كبار .. كبار
وك وهي مو كل نار نار
أبجي ما ينزل دمع يطفر شرار
---------
أدري بطريقي صعب وأتعثر بخطواتي
لكن عنادي أشد خلي الثمن حياتي
أش جابرك على المر ؟؟ .. غير الأمرّ منه
ما خايف من النار ؟؟ .. لا نار العشق جنه
يا عيني على المفارق شلون الليالي وياه ؟؟
هل ترحم دمع عينه .. لو يقضيها آه بآه
أش جابرك على المر ؟؟ .. غير الأمرّ منه
ما خايف من النار ؟؟ .. لا نار العشق جنه
كل شي يصير أتحمل وأضم الآه و الشكوى
أتعب والتعب راحه ما دام القلب يهواه
أش جابرك على المر ؟؟ .. غير الأمرّ منه
ما خايف من النار ؟؟ .. لا نار العشق جنه
