لا يــا صــديـقـي
فات الأوان لا تحذر فات الأوان
شيفيد بعد التحذير؟؟؟
أنا عثرت بأول حجر
والعثرة عثرة بنص بير
لا تحذر فات الأوان
منهم لله الل خانوني منهم لله
منهم لله الل باعوني منهم لله
منهم لله الل غدروني منهم لله
خلوا دمعي ينزل دم
ولا كني بني آدم
أعز اثنين يا جرحي شايلهم وسط روحي
وجهين والعملة وحدة وثوب مقدر عليهم
الشبه نفس الشبه والغدر مزروع بيهم
يا قلبي لا تستغرب كل شيء تشوفه بالعيون
كل شيء بها الزمن جايز وكل شيء ممكن يكون
عدوك يرحم بحالك وأعز أحبابك يخون
اتصوروا حبي غباء وطيبتي العمياء طريق
فرصة إلهم للخيانة مثلوا دور الصديق
اللي كانت أغلى ناسي ويا صديقي ترافقت
عيني عينك بالخيانة و بالخجل ما فكرت
يا ذنب سويته آني؟؟ و بالعكس دنياي دارت
لأن قلبي نقي وطيب هيج وياي صارت
اش راح أسوي بالصور وين أودي الذكريات
وين ألقى درب خالي ما الي بيه ذكريات؟؟
هيجي يا دنيا البشر بارعة بدور الخداع
غامض وما ينحزر وبوجهه أكثر من قناع
المن أشكي يا زمن ومنو الل يسمع شكوتي
أسكت أحسن يا زمن وبيدي أعالج حالتي
موتي أرحم من غدر اللي سميته صديق
اللي جازاني بخيانة وترك بأعماقي الحريق
آني متعلم على الهم ومو جديد الهم عليه
بعد الل شافت عيوني من صديقي ومنها هيه
خلي كل شيء يصير بيه
أعز أثنين يا جرحي شايلهم وسط روحي
وجهين والعملة وحدة وثوب مقدر عليهم
الشبه نفس الشبه والغدر مزروع بيهم
يا قلبي لا تستغرب كل شيء تشوفه بالعيون
كل شيء بها لزمن جايز وكل شيء ممكن يكون
عدوك يرحم بحالك وأعز أحبابك يخون
تصوروني الناس أغني وأنا من الداخل مجروح
روحي مثل الطير ترفرف ش يرقص الطير المذبوح؟؟
الألم ..آه .. الحزن .. آه ..
العذاب .. آه .. والجروح ..
تظلم لو ترحم يا زمن ما عاد يأثر بيه
إذا أغلى الناس خانوا شتعوض إنت ليه
صدقني ظلمك يا زمن أهون إلي من جروحي
ع الأقل ظلمك ينسي وما يظل يعذب روحي
ضيعتني يا صديقي وظلمتني وجرحتني
وظلمت روحك وروحي وضيعت مني الأمان
إذا أنت بيه تغدر بعد ش يسوي الغريب
صديقي وجرحي منك وآني لجروحك طبيب
روح الله الل يسامح أني ما عندي سماح
روح الملح والزاد خنته ، الوفا وياك راح
أعترف آني خسرتكم وخسرت كل شيء بثواني
لكن اللي يعز عليَّ راح أظل وحدي أعاني
و أنتِ يا للي كنتِ بعيوني ملاك
قلت آنا عمري وعيوني فداك
صورتي الدنيا من غيري أبد ما تعيشين بيها
وقلت عنها ظلمه لكن نور وجهك مضويها
وقلت بليالي الشتا عيوني ما تاخذ نوم
أفكر بيك بردان لو دافي وشابع نوم
وكنت بالنسبة الي مثل للحب والجمال
كلمة ما كاتبها شاعر لوحة من نسج الخيال
عمري ما شكَّيت مرة ورى ها لطيبة خداع
هيجي العيون البريئة تغدر وتنكر بساع
هاجت الريح بغضبها وكسرت بلحظة الشراع
كل شيء راح كل شيء ضاع
خوفي من خوفي ليكبر خوفي ما أفارق الدمعة
وأبقى وحدي بالليالي وما أثق بضوى شمعة
المن أشكي المن احجي المن ؟؟
وحجيي بس آني الل أسمعه
هي الدنيا اش بيها حتى ترخص دمعك
المن تشكي وتبجي أمنو هو اللي يسمعك؟؟
انسى جرحك أنساه لا تعاود بذكراه
بالحسرة والآه ليش تخلص عمرك؟؟
كنت عايش على الأمل وكانت أحلامي جميلة
كنت أتفاءل بكل شيء والل بنيته أنتهى بليله
كنت عايش على الأمل وكانت أحلامي جميلة
كنت أتفاءل بكل شيء والل بنيته أنهد بليله
ضاقت الدنيا بعيوني وحسيت بنفسي غريب
وقلت يا روحي كافي ما بقى للطيب نصيب
لا الدنيا ما تخلى ولا تتخلى عن مجروح
ألف أيد وأيد تنمد وتداوي الألم ويروح
بس أني عثرت بأول حجر والعثرة عثرة بنص بير
ضيعت كل شيء بحياتي وسلمت لأسوء مصير
لا تحزن لا تتألم لا تندم على اللي يخون
حرام تتعب عيونك والدمعة عليك تهون
صامد بوجه الرياح شامخ بأصعب جراح
أصرخ يا ضمير
أصرخ بوجه اللي يظلم
أصرخ بوجه الل يخون
أصرخ وصحي المنافق
أصرخ وصحي المخادع
يــــــا ضمـيــــر
